☆皮皮的大個仔見證 ~

Lilypie Kids Birthday tickers

2014年1月6日星期一

一家人齊齊開心影餐飽! @SNAP HK 全港最chur自拍體驗館



Hahahahaaaa
毛毛係我老公黎架!
而小鹿斑比是我來~~~
係咪好搞笑呢? 
我地皮家今日去左「SNAP HK 全港最chur自拍體驗館」玩自拍呀!
影左好多相~
今集可能要load耐少少~
好多靚相慢慢睇^^


 「SNAP HK 全港最chur自拍體驗館」在銅鑼灣羅素街28號4樓,即係時代廣場大電視對面,好易找架!見到外牆有部大相機便是這家了~!


我們第一次踏足銅鑼灣的唐樓,估唔到這裡會有些特色小店,「SNAP HK 全港最chur自拍體驗館」要行到最高果層,皮皮咁細個都好好腳骨力撐到四層樓,叻仔!


 到左門口啦!這裡有幾間自拍房,間間都不同背景和主題,好有趣的~!


房入面有些好好玩的東西,中意影相既朋友仔一定會好中意!


 入到去,中意點影都得!由你話事!


 我們來到SNAP HK 全港最chur自拍體驗館 既Room 2,以Hea - Love, Friends & Family為主題,房裏已經準備好各款扮鬼扮馬的道具和大毛毛公仔,而店員知道有小朋友來,所以拿多一箱小朋友專用的衣服和道具供我們玩!太開心了~~~


另外房外有一角是服裝處,大家可以來選卡通衣服穿~
如果女仔來玩,就可以選婚紗,扮靚靚一番!


究竟點自拍?
原來這裏會set好器材,有哂佈景(可以自選,共六款),還有打光燈,一部專業相機和兩部大電視(用來show你個樣),好似貼紙相機咁,望住鏡頭,手持遙控制,就可以自拍的了!


 嗱~這是第一張相,我拿著遙控試機呀!


明白哂!開始玩自拍~
第一個場景是LOVE聖誕節~
我好中意這套LOVE字呀!充滿溫暖感覺~
皮皮一來到就不停搞搞震...


 之後就不停禁掣自拍,影影影...一家人,三條友,影左百幾張相!



不過皮皮真的超難影架!
冇張望鏡...
佢不停找東西玩,但睇返佢搞搞震的相好好笑><


之後我換左小鹿斑比公仔衫影...
皮皮冇換到...
小朋友冇連身公仔衫換的...


 一連串發笑照片~超級SWEET!!!





 然後到大毛毛爸爸~~~WAAAKAKKAAAAA!我未見過我老公咁搞笑架!


 兩條友玩到HIGH哂>O<


然後趁皮皮行埋一邊,我地兩公婆自已影~
諗諗下,我好耐都冇同過老公合照了...
自從有了皮皮後都是佢幫我同皮皮影多~


 親親Daddy~~~


第二個場景是粉紅波波,好甜美呀!

這時皮皮搵哂全房的大毛毛公仔出黎玩,全地都亂七八糟,不過好得意~!


 之後成日家在公仔波波池(自創的)上「典」,碌來碌去影,好開心!






 阿皮嘟嘴好好笑呀!


第三個場影是粉藍天空~
我同皮爸換左Minnie Mouse和熊本熊的卡通衣了!~!




阿皮走埋黎攝位...


Sweet Family~!!





呢張唔知發生咩事,皮皮個樣超開心的!



最後送上皮皮的大頭照!



呢支大針筒,佢玩左好耐囉,仲幫佢爸爸媽媽打針添~!!!!


咁多張相,我至LIKE呢張全家福!

一家人來玩自拍真是超級開心呀!


一個鐘頭好快過,來SNAP HK 全港最chur自拍體驗館記得要帶USB手指,職員會毫無保留,將你剛才所自拍的相片全部過哂比你!

等你回家慢慢回味~

相片全部都係直相來,沒橫相,因為鏡頭SET定無得郁,如果一大班朋友來影就好好玩了~

我們因為有小朋友,好多相都是坐下的,所以有親皮皮、坐地上的相都是我自己chop相,先至見到皮皮個大頭同平衡下張相構圖。

我幾中意這裏打光不錯,影到我地精精神神,而且相機自己自動對焦,影到每個人都好清!

還有這裏房間獨立,自己一家人/一班朋友仔在裏面關上門換衫不尷尬,成家人V嘩鬼叫開開心心都冇問題!

自己中意點擺POST,拿什麼道具,反轉來影都得!自己話哂事~

不過時間不夠,影唔哂咁多個背景呀!

還有小朋友真是好難望鏡,如果想影家庭照叫可以多個親人/朋友來幫手引下小朋友...




呀!有個小提意~

就是我們影相時常常都望住個Screen,都忘了望鏡頭,如果鏡頭上有個大箭咀寫住「望呢度」呢D字眼,或者有個大相機公仔在鏡頭位,咁我地影相時會記住望鏡頭多個望個Screen,個Screen有自己實在太吸引吧!

仲有我超級開心可以同到我老公合照...><因為皮爸好少影相架,佢中意渣機影我地多嘛~(你見我BLOG的相大多都是他影的)

所以多謝老公同我地黎玩!

有時間再來玩過!


LIKE Facebook:SNAP HK 全港最chur自拍體驗館
https://www.facebook.com/snaphongkong


SNAP HK 全港最chur自拍體驗館

Wtsapp: 93428101
11:00am-11:00pm
2668 6658 
chur@snap.hk

銅鑼灣羅素街28號4摟(時代廣場大電視對面)





自拍服務由SNAP HK 全港最chur自拍體驗館提供。


關於daidai & pipi
博客:
Beauty Exchange .  she.com . elle . WeShare . ubeauty .  88db

媽媽專欄:




沒有留言:

發佈留言

LinkWithin

Related Posts with Thumbnails