☆皮皮的大個仔見證 ~

Lilypie Kids Birthday tickers

2013年12月31日星期二

2013"dai"事回顧

又一 年啦!看回2012年我最後一篇寫過去年我全年都很忙碌,到2013年我更忙碌呀!全年都好精彩,相信2014年我會更加豐盛和精彩的!daidai會繼續加大油,迎接新一年生活!



2013年最厲害的,就是年初跟皮皮一同拍了「美素佳兒<捕捉親子時光微影集>」廣告!那次的經驗好難忘,製作商幫我地影左好多靚相,全部都好溫馨好Sweet,而且拍攝當日皮皮好精神好開心,拍出來的效果好美,這是我全年覺得最開心最難忘的事!超級感謝美素佳兒給我倆母子這個難得的機會,可讓我們留下更多親子回憶,而且皮皮仍然好中意食「佳兒」,真心覺得爸爸好精明,沒選錯奶粉比皮皮!每當我看到新聞知道奶粉被搶哂都好嬲,覺得香港媽媽好辛苦,香港BB好可憐,但香港媽媽有堅毅精神,自食其力,就會感到好自豪!各位媽媽加油加油!



今年都幾多野煩,不過所有事情都可以解決到;全年不停出入醫院,皮皮條氣管都係麻麻地,幸好政府醫生有跟進,Keep住覆診,情況好左好多;年中要換工人超煩,姐姐臨急臨忙返家鄉,見到佢病都陰公;年尾到我自己的嫲嫲婆婆入醫院,老人家年紀大,很令人擔心,只要有時間都盡量探多些她們,雖然出出入入好辛苦,陪皮皮住院更辛苦,但我仍然撐得住,今年少左病,因為有鬥志,意志叫自己捱住,我才可以照顧到我愛的人。



七月至九月就做左幾個月專欄小作者,在shemom寫下育兒心得,分享下雙職媽媽的生活,其實我還想繼續寫下去,不過太忙,身兼多職。。。另外MyBB.com.hk邀請做了星級媽咪blogger!很大鼓勵!可是自己份工蠻忙,時不時要開OT,我已經開大turbo努力密密做,尚算順利,希望各方面都兼顧到,也放多點時間在家庭處。



雖然超級忙,我仍然用心經營daidai & pipi這個Blog,全年都不停有品牌/網站/PR找自己合作,都幾開心架,因為有人會留意到我寫的文章,我是好中意「作文」架!雖然推左好多試用/活動、還有一個硬照廣告有點兒可惜,但寶貝仔為重,如果有時間,我寧願放工快快回家陪皮皮教皮皮,放假就多帶皮皮出外玩,學習更多新事物,見住皮皮超可愛又開心的笑容,真是把所有壓力掩蓋哂,生活好滿足!



有朋友關心我皮皮自閉症的事,感恩皮皮是輕微自閉,起初是擔心,不過我地找到方法幫佢,抱著樂觀態度面對,皮皮係有少少自閉傾向,或者叫做社交缺失,唔係好識同其他小朋友相處(但同年輕姐姐類係過份熱情的,好識簡囉~),我相信皮皮一定能誇過障礙,因為見到佢不斷的進步,我沒有想過皮皮要點叻點勁法,其實只要佢開心,做個有品格的小朋友,健健康康已經足夠!我不太擔心,成長中始終會有障礙,可能將來會有突出的一面,學好朋友話齋:天生我材必有用嘛!~~~


全年咁辛苦,但有老公在我背後支持我,一齊分擔家庭的事,一起渡過了結婚五週年,他永遠是我最好的朋友、最好的爸爸和最好的老公,有你真好!

希望出年有時間帶到皮皮去旅行啦!
好想帶皮皮見識更多,一家三口一齊去最好!



See u in 2014!


沒有留言:

發佈留言

LinkWithin

Related Posts with Thumbnails