☆皮皮的大個仔見證 ~

Lilypie Kids Birthday tickers

2013年11月27日星期三

帶皮皮剪個型仔頭@PRIVATE i PiG Kids Salon 小童剪髮服務

其實daidai媽咪是第一次帶皮皮到髮型屋剪髮架~!之前都是由嫲嫲帶皮皮剪,所以我不知皮皮剪髮時會怎樣,唔知佢會唔會坐唔定,又扭計?因為皮皮是好動的孩子,有什麼方法會令他乖乖坐定定剪髮呢?


今次帶皮皮來到銅鑼灣利園商場的PRIVATE i GARDEN Kids Salon(PiG Kids Salon)剪髮~

PiG Kids Salon為PRIVATE i SALON GROUP旗下首家提供一站式的兒童美髮店,這裏就如一個小花園一樣,入到去周圍都好得意,跟我來看看啦!


入到店內看上天,是一朵朵白雲,原來是燈光來~


而且在播放著兒歌,牆上有一隻隻可愛小豬~~




每一個座位都是可愛的飛天小豬~


小豬隻隻都唔同樣架!牠們都擁有翼,可以飛架!超可愛~


而且每隻豬仔都不同名字的,每個小朋友入到去都會選自己喜愛的豬仔坐架!


好啦!到皮皮出場~皮皮D頭髮開始長了~ 


本來剪髮前好hyper,搞搞震,而且利園二樓成層都係小朋友舖頭,仲有一個位置是遊樂區,來之前在商場玩到HIGH左,但唔知點解來到PiG Kids Salon會好乖比哥哥剪髮?!


今日幫皮皮剪髮的是Jeffery哥哥,佢真係好細心為皮皮剪髮~

小朋友的頭髮特別柔軟,Jeffery他會續少續少的為孩子剪~

皮皮未來到坐定時周身郁,Jeffery哥哥同PiG Kids Salon的姐姐們都好好,不停找法寶安定小朋友情緒,很有耐性~

有些小朋友好驚剪頭髮,這裏有很多玩具和圖書來氹小朋友,而我在場時有個大約一歲多的BB驚驚剪髮而哭,PiG Kids Salon的姐姐會吹bubbles來哄他~

怪不得皮皮不怕剪髮了!這裏原來好好玩的!


點解皮皮的膞上有塊淺綠色的墊呢?

Jeffery哥哥說小朋友的頭髮又幼又碎,就算穿上粉藍的理髮袍也有機會跌D頭髮入領子內,而淺綠色的墊可以緊貼頸位,就唔怕頭髮碎跌入衣服裡了!

真是超細心呀!淨係得小朋友有咋~!


睇左咁耐,點解皮皮坐定咁定檔呢?

原來他在看迪士尼動畫呀!

仲有他喜愛的巴斯和胡迪陪著呢~~!


坐得腰骨挺直的~!


當皮皮坐得好定時,我就去參觀下 PiG Kids Salon~


係咪好多圖書呢?!


這裏除了小童剪髮服務外,還有一些產品選購,適合媽媽和寶寶使用~

首先推介BARIELLE(馬仔)手部護理,這系列啱媽媽用,媽媽的手很操勞,是全世界最安全最見效的手部護理品牌~


原來BARIELLE有推出指甲油架!成份不含甲醛、甲苯、鄰苯二甲酸等等有害成份,懷孕的媽媽都可使用~


然後是頭髮造型產品:COLOR.BUG能於幾秒為秀髮添上顏色,就好似染髮膏一樣,但洗髮時可以沖走,加上幾款有型顏色,啱哂去party用,而且小朋友都用得架!


另外有些天然有機的洗護系列,媽媽寶寶都啱用的~

上層是HAIR SOLUTION的洗護產品,適合敏感頭皮人仕,不含防腐劑、人造色素和香料,連嬰兒都合用啊~

下層是來自意大利的 MY.ORGANICS美髮及護髮產品,成份均以草本精華及天然精華油製成,絶不含DEA(二乙醇胺)、SLS等化學防腐劑及石化物質,洗髮後頭髮順滑易打理,是安心之選~


另外PiG Kids Salon設有為慶祝出生100日或生日的美髮美甲組合服務及親子套餐,可以留下寶寶第一束頭髮、第一隻脫落的牙仔,也留下爸媽和寶寶的美好回憶~


好了,畫面轉回皮皮處,好似剪到差唔多了~
皮皮居然唔怕剷頭髮,仲好定呀!


無論是Jeffery哥哥或是皮皮,他倆都很專心在做自己的事~



剪好了!Jeffery哥哥為皮皮GEL個型仔髮型先~~


HAHA~ 估唔到小朋友GEL 頭都要有功架!唔好以為好簡單~!!!


YEAH!完成了!

剪髮後的皮皮又靚仔左!


360度睇睇啦!


也送上BEFORE & AFTER,剪髮前還是個小BB,剪髮後大個仔左,又有型!媽媽好中意呀~!~!


究竟邊隻豬仔的法力令皮皮坐得安安定定呢?

原來是這隻黃色豬豬,牠叫做 fanfan呀!


PiG Kids Salon為慶祝開幕一週年,仲送左本填色冊比我地,因為我地入左PRIVATE i  PiG Kids Salon會籍呀!大家可以發揮一下創意,為飛天豬仔設計個新LOOK!參加PiG Kids Salon舉辦的比賽,有機會嬴大獎架!


臨走時我地同Jeffery哥哥影返張合照先!

多謝Jeffery哥哥為皮皮剪個咁有型的髮型,而且好適合他啊!

也謝謝 PiG Kids Salon的姐姐,個個都好有愛心,氹小朋友開心>O<

呃!差D唔記得講,大家黎剪髮不妨joinPiG CLUB小朋友會籍計劃~

這會籍專為Private i Garden Kids Salon顧客而設的小朋友專屬會籍-PiG CLUB,會員除了可尊享PS GROUP一系列全年精彩禮遇外,亦有各大商戶多項優惠折扣帶給會員,包括酒店100日宴會餐飲折扣﹑溜冰用品折扣﹑親子潛水課程﹑小朋友興趣班及家長攝影套餐優惠等等。

PiG CLUB更可享有不定期獨家優惠,潮流資訊及生日禮遇,連爸爸媽媽都啱用架!

下次再見~~~



PRIVATE i SALON FACEBOOK:
https://www.facebook.com/PRIVATEiSALONpage


小童剪髮服務由PRIVATE i  PiG Kids Salon提供。


沒有留言:

發佈留言

LinkWithin

Related Posts with Thumbnails