☆皮皮的大個仔見證 ~

Lilypie Kids Birthday tickers

2013年10月14日星期一

[皮皮]玩轉 九龍灣E Cube Club Play House!


這天皮皮的心情好緊張呀!因為早幾天媽媽應承過他,如果他乖仔做哂D功課,又聽老師和爸媽話,我們會帶皮皮到Play House玩的~!~

這天的目的地是九龍灣Mega Box 的E³ (Cube) Club Play House~! 我們乘過MTR,到搭接駁巴士,皮皮都很乖很合作,當我拿出Play House的門票,他開心又興奮,緊張得自己保管入場券,所以今天來玩很不錯,給皮皮一點獎勵太好了!


來到E³ Club Play House了 !這裏地方很大,有近一萬一千平方呎,場內分為十個區域,包括:

Ming & Friends 迷你劇場、Ming & Friends 遊世界迷宮、永樂幼兒創新教育中心、時空候機店入口、魔幻小食亭、熱火賽車場、小人國花園、高球訓練館、浪漫公主館、小寶寶操場~~~

真係玩一足一日都得呀!


一張套票包一個大人和一個12歲以下小朋友,玩足一日都得!因為沒限時間架~ 而我們一家三口來凸左一個大人,只要加多幾十元FOR大人就可以了~


一來到,皮皮就來小寶寶操場玩波波池!他真是好喜歡波波的~!!~!


訓身波波好開心呀~!!~


全間Play House都舖哂軟墊,連欄位邊位都有防撞軟膠,比小朋友來玩真是好安心,唔怕佢地跌到/撞到受傷呢~


記住記住,來Play House玩無論大人或小朋友,都要著襪子來,保持衛生~
不過如果忘記穿,都可以在場內購買...


彈彈床都有!而且分歲數架!1-3歲小寶寶一間,3歲以上小寶寶另一間,而且彈彈床房門有職員幫手照顧小朋友,小朋友玩到high哂跌倒都有姐姐維持跌序~


然後另一邊,是超好玩的迷宮呀!!!



迷宮中間,有超超大型的波波機地!皮皮睇到波波發射槍睇到呆左,他在研究波波從何而來?!


波波機地中間有個大波波發射機,皮皮就找到個筒子收集波波,再倒入發射機,只要儲滿波波,機頂就不停噴D波波出黎,好好玩架!~


我見全場的小朋友都不停執波,玩得好忙,皮皮又儲到一箱波波了~~~


然後他上到迷宮二樓,到波波發射槍度玩~超認真的樣子!
就算被波波射到都唔驚,因為這裏的波波好輕身,淋支支的,唔怕打痛小朋友~


然後皮皮一展身手,到迷宮不同角落挑戰!
媽媽估唔到膽小的皮皮都可以做到各難度的動作,好叻仔!


皮皮走這條獨木橋做得最好,平衡力好好呀!就算條橋會郁動,他自己一個人走完全沒跌過!叻仔!


然後有條超長又刺激的滑梯!
我見到都有D驚呀...=_=’’


不過來得玩的小朋友全部都唔驚的,佢地不知幾Hyper!
但皮皮佢好驚...要媽媽抱住滑滑梯...


然後到爸爸抱...


皮皮唔敢自己一個滑,始終,佢都係細粒得滯好驚驚,但就好中意玩~你睇佢笑得幾開心~!~


之後發現一條短的滑梯,一SIR落去是波波池,超好玩呀!皮皮今次夠膽自己玩了!!!


來回不停SIR左好多次,我陪佢上上落落走到我索哂氣...


皮皮SIR落親波波池都好開心~佢話要在波波裏訓覺,幾爽!


中場休息一下,見到左邊有間好以小巴既屋WOR~~~


小巴入面是迷你劇場,有大電視睇,內容大致講下D小朋友去世界各地玩,中場休息時又可給孩子學習不同國家及地方~


另一廂是浪漫公主館,入面可以給女孩子扮靚靚,有公主衣服更換和公主座位拍照,而中間有圖書給小朋友任看~

daidai媽咪發現一個換片區,可以比手抱BB在這裏換片,都很方便啊~!


公主館裏有兩隻好大好大的Bear Bear 熊,女孩子見到好冧的!而且可以在這裏舉辦生日會,邀請朋友仔一齊來玩添!


說一下場內設施,這裏可以租LOCKER放低行李物品,不過我有個小建議,可否加多一點儲物櫃呢?因為我租唔到,星期六來這裏真是好多人,D Locker爆哂呀...
搞到我要咩住個袋玩玩得唔夠暢快...


另外見到D指示牌中英文對照都幾好,也掛在當眼處,可以提下在場的大人小朋友要遵守規則,讓大家都玩得開心又安全。


在場有好多長櫈比爸爸媽媽休息,座位非常足夠~



還有好多雜誌給家長看,就算小朋友去哂玩都唔怕悶,大小/小朋友雜誌都有,真是好貼心的設施啊!


皮皮又去左另一邊玩了!佢頭先住推住架車仔扮買餸,然後返屋企煮飯,笑死我><

這裏的不同場境可以比小朋友Role Play一下,幾得意呀!


之後就去玩賽車!超多車仔~~


皮皮選了一個長頸鹿車車,由街頭走到街尾,我追唔切佢呀...



最後爸爸話時間差唔多,要走了!
皮皮似乎唔多願意離開啊...


唔願走,玩多轉波波池啦!皮皮仲叫埋媽媽一齊落池玩,原來訓波波池真係好舒服~~


這裏的波波池標明是「無菌」的,原來波波池裏的波波會定時用「自動洗球機」清洗和消毒,唔怪得波波好清爽唔會痴立立,家長也安心給孩子訓身波波池了!


皮皮今日好開心,樂而忘返,E Cube Club Play House真係好好玩~

也謝謝爸爸今日為皮皮影左好多靚相^^


我地玩到差唔多全場人都走哂先散Band!今日太盡興了!!~~

下次放假皮皮又乖再來玩過!

或者開生日會可以考慮下來這裏慶祝~(皮皮就快生日啦!嘻嘻~)



E³ Club Play House

地址: 九龍灣MegaBox 商場 L12-1

電話:+852 2151 9761

Web:http://www.playhouse.com.hk/megabox/chinese/

Facebook: https://www.facebook.com/playhousehongkong



關於daidai & pipi
博客:
Blogspot
Yahoo
Beauty Exchange
ubeauty
she.com
88db
elle
MyBB.com.hk 


follow me on instagram:
search: daidaipipi

媽媽專欄:



沒有留言:

發佈留言

LinkWithin

Related Posts with Thumbnails