☆皮皮的大個仔見證 ~

Lilypie Kids Birthday tickers

2013年9月28日星期六

鬧爆你之衰人courier公司U.C.(Asia)整唔件我份件!


嬲死我!嬲死我!死人速遞公司U.C.(Asia)亞洲聯合速遞整唔見我份件,入面係公關公司比我的新試用產品,價值接近$900!整唔見唔出聲,仲要我日日call佢搵成點!

事情是這樣的。

平時因為不能親身到公關公司取產品寫Blog,所以我會委托Courier公司代交收件,U.C.(Asia)已經用左十幾廿次,而且見D客都是找這家送件,所以我很多時找這家公司服務。

上星期四9月18日上午找這公司到觀塘的公關公司取件,照理第二天上午有件回我處,但等不到,下午又放假所以沒追。

到星期一上午打風,但十時多回公司到中午沒件回,下午致電U.C.(Asia)查單,說不見件,要我多給一天時間找,如是者星期二、三、四每天我都有call呢間公司,這公司不會主動聯絡你的,問親都冇,凶多吉少,我曾問賠償方案,但永遠答唔到你。

到星期四9月26日臨收工先至話真係找不到,這公司的人服務不誠懇,只是說你send張報價單來,比老細諗下點賠,但我要求書面證明說是你家公司弄失我貨品,又話要問上司點做,不停拖,我說我唔見份件可以報案,佢地都好似懶懶閒咁,頂你!

事情還沒有解決,總之負責人找不到,接線的C.S.態度極差,知你打黎極無禮貌對待,而家係你有虧於我,我比錢的我是客人,都可以咁做,吹到啤100聲!


幸好公關公司有辦法為我向客人解畫,但我也千萬個唔好意思,自己冇咩可以做到,產品文章很希望可以分享到,只可永不再用此速遞公司U.C.(Asia)同上網寫返呢件事,唱衰你!

最慘件貨未launch,街冇得賣架!我真的懷疑「有人」偷我份產品,洩露我的商業秘密囉!

個觀塘速遞員明明知道我份件內容,又口口聲聲話拎左返公司,今次的品牌真的吸引和係人都識的,點解唔見件?我覺得同貪心有莫大關係囉!

一家沒誠信的速遞公司U.C.(Asia),奉勸各位朋友唔好用呢間野,沒責任感、沒禮貌、沒誠信!今次堅唔好彩,鬧爆你!

沒有留言:

發佈留言

LinkWithin

Related Posts with Thumbnails