☆皮皮的大個仔見證 ~

Lilypie Kids Birthday tickers

2013年9月7日星期六

育兒 奮鬥日記

看來我都要寫個育兒 奮鬥日記系列,皮皮真是一個多多麻煩的孩子,雖然他有很多問題,但媽媽會盡力協助你成長的,你也要努力,皮皮加油!



之前我在 shemom 專欄 (link) 都略略提過皮皮疑似有自閉症,我真係驚架!不過了解多左之後我發現皮皮應該沒有的,他是管教問題而引致出他的「不合作」性格,因為是個獨生子、加上有個「數字人」溺愛,他在各成長發展和行為上都跟同齡小朋友有很大差別,簡單些來說他沒有自理能力,所以他入讀 K 班我真是很擔心,因為他真是好低 B ,點算好?


唔好話自己著鞋著襪,還自己除鞋除襪都難+懶,但每逢我出街/回家,我都會教他著鞋著襪/除鞋除襪,他會懂自己做的,不過就耐D 囉,做得不夠好囉,教孩子要有耐性,你唔教佢做他永遠都唔識做,「數字人」要乜都幫佢做哂,加上工人姐姐都係疼鍚皮皮,他真的乜都唔洗做,懶都出汁,搞到乜都唔識,自理能力極差。



如果我自己跟到的,我都會盡量教好皮皮,有好多事情都是自己做,例如沖涼要自己除衫除褲,但除衫要舉高手就練極都唔識呢個動作,可能要大個仔 D 先協調到手腳,那就多多練習啦!另外除了的污糟衫會自己放在污衣籃,或者回家除了的臭襪都懂自己放污衣籃。

皮皮會懂自己抺鼻涕,雖然抺得唔乾淨,但總算自己做到,然後自己掉垃圾到垃圾筒。有時爸爸會發現點解皮皮叻左?有時我都唔知個仔的表現做得到,但經爸爸一說後,發現自己下過的苦心皮皮是有把媽媽的教導放在小腦子上的。


雖然有時教仔會好勞氣,但我相信自己付出的心機和努力有天會成正比開花結果,皮皮乜都渣斗斗既,那就放多點苦功和時間教他啦!寄望我這個雙職媽做到稱職,做好自己工作本份亦能教導好皮皮,我唔期望皮皮好叻,只是想他是個健康開心、做個有品格的小朋友!

也謝謝我的好朋友,不時為我和皮皮打氣,做媽媽這個職業真是好難做好,但互相打氣支持也是一種無比溫暖的鼓勵啊!



關於daidai & pipi
博客:
Blogspot
Yahoo
Beauty Exchange
ubeauty
she.com
88db
elle
MyBB.com.hk 

follow me on instagram:
search: daidaipipi

媽媽專欄:

1 則留言:

  1. 加油呀皮皮!加加油呀Daidai !!!
    說得沒錯,只要孩子健健康康,有良好的品格,便足夠了。叻唔叻都係其次,輕鬆快活地學習最緊要。

    回覆刪除

LinkWithin

Related Posts with Thumbnails