☆皮皮的大個仔見證 ~

Lilypie Kids Birthday tickers

2013年7月17日星期三

皮皮家的愉快暑假@ 黃金海岸 智趣滿Fun家庭住宿計劃

皮皮玩埋呢個暑假,就正式當一個幼稚園生了!所以呢個暑假, daidai 媽咪會籌備一系列活動,讓皮皮玩得開開心心,體驗更多,玩盡去!


20130713-14 這兩天,我們皮家到屯門黃金海岸參加了「智趣滿 Fun 家庭住宿計劃」,之前睇報紙介紹已經感到好吸引,因為有皮皮中意既 Thomas 火車!本來我們打算暑假帶皮皮到外地旅行,但咁啱家中女傭突然有事返左家鄉,搞到要請新工人,失哂預算,冇左筆錢去旅行,咁唯有本地消費啦!...不要緊,這兩天就當體驗下住酒店,因為皮皮第一次「出門」冇返屋企訓!


這兩天天氣非常好,太陽很猛烈,我地在黃金海岸玩左好多野, follow us , go go go!


皮皮第一次住酒店,從搭 lift 到入到酒店房,都超級興奮,每件事物都感到好好奇,淨係房間裏的衣櫃門都很感興趣!


然後爬上床玩!這裏的標準套房都好大,我地間房仲面向海,個 view 好靚!皮皮話海上好多船,遠眺仲見到機場,有飛機經過,環境好好啊!


由 7 月 11 日 至 8 月 31 日 入住黃金海岸「智趣滿 Fun 家庭住宿計劃」,都會送一份 Thomas & Friends 獨家禮品包乙份!有個 Thomas 小包包和一系列文具套裝,真的好適合小朋友用呀!不過好可惜,我地玩唔夠一日已經在酒店內遺失了這個禮物包,雖然酒店職員好努力幫我地找,但都搵唔到了,鳴鳴...皮皮冇左這份禮物仔了...


放好行李,我地在酒店周圍行下, Lobby 周圍都放了 Thomas & Friends 的裝飾和擺設,皮皮一見到不停嘩嘩大叫!好開心!


Thomas 火車好大架!仲有 Cranky 、 James &  Percy !


而且在指定時間,肥控制員 Fat Controller 都會出黎火車站同各位小朋友影相見面,但係我地就遇唔到佢了...






另外炎炎夏日,最好係玩水!黃金海岸酒店特設『夏日「游」樂區』,特別比小朋友玩的!


首先有 Thomas & Friends 小船河, Thomas 好大隻!


刺激又好玩的 繽紛滑水梯 就適合 5 歲以上的小朋友玩!


仲有 眼明手快水戰場 !小朋友可以激戰一番!


可是皮皮唔 Like 玩水,佢話要去遊樂場玩 wor……



咩都要媽媽陪,好小膽的皮皮仔><


既然唔玩水,酒店周圍都有其他野玩的!我地去左 至 Kidz 遊樂場玩波波池!~


阿皮始終是宅男,最愛在室內玩!


玩玩下成個鐘,玩到氣都冇!皮皮睡在香蕉床上個樣好囧,真係好攰咁噃...哈哈!


冇驚冇險就日落了,夕陽無限好~好好好~~~


晚上,皮爸請我地食 Buffet !好開心呀!皮皮帶埋私伙 Thomas & Percy 黎一齊開大餐!


黃金海岸的 buffet 其實都幾貴下,成 $5XX 一位,只係信用咭簽帳有八折,但有好多野食,魚生、海鮮, BBQ 應有盡有,而且有個「果香滋味國際自助晚餐」做主題,好多食物都有鮮果入饌,還有 Thomas & Friends 造型甜品,每位顧客更送香芒芝士焗龍蝦一份,啤酒汽水任飲,一家大小食到捧住個肚走!



好好味呢~名牌雪糕任吃,好正呀!


食飽飽返房間休息,偷拍皮皮的出浴照,沖涼先至玩沙灘波!


洗完白白好攰了,但房間有免費的 Thomas & Friends 卡通頻道,皮皮仲唔睇到夠?!


第二天吃個自助早餐,就趕住去玩了!我們來到 Thomas & Friends 智趣室,有好多小遊戲玩~!


皮皮樣樣都玩齊,什麼都感興趣!


而且全部都同 Thomas 有關的,他會懂好多角色的名字~!


好乖咁睇圖書~


同媽媽一齊畫圖畫~


這裏有 Thomas & Friends 火車小簡介~


皮皮返細><


心口貼住姐姐送的 James 貼紙~


然後參加 木頭火車製作坊!不過皮皮唔識自己整,最後導師送一份材料比我地回家製作!


上午很忙碌,玩完室內我地就去泳池玩水,皮皮只是肯坐在水泡上不敢動,但媽咪就可以游下水!真係好耐冇游水了~泳池是免費享用的,但就未能拍照,看不到皮皮的蝦碌片段...


之後就去黃金海岸商場走走,這裏也有很多 Thomas & Friends 的展覽!





到二樓商場有個大型的 Thomas & Friends 「環球小火車奇趣樂園」,真係睇到唔捨得走呀!


你又識幾多個 Thomas & Friends 呢?


Thomas 的 Fans 一定在這暑假來這裏玩呀!

這兩天皮皮都玩得好開心,雖然半夜訓生保床有些唔習慣,但這兩天的他都很乖仔,冇乜扭計,好合作!仲食左好多野!

文初提到皮皮第一次住酒店,雖然去唔到外地旅行,但在黃金海岸住了兩日一夜都是一個好好的體驗來!可以擴闊小朋友的眼界,去旅行不同在家,又有野玩又有野學,真係好 Happy !

各位爸爸媽媽,這個暑假你又帶寶貝仔女去邊度玩呢?下次再分享我們的親子時光好去處!


黃金海岸「智趣滿 Fun 家庭住宿計劃」日期: 2013 年 7 月 11 日 至 8 月 31 日

香港黃金海岸酒店
www.goldcoasthotel.com.hk

Facebook:
GoldCoastHotel
https://www.facebook.com/GoldCoastHotel?fref=ts



關於daidai & pipi
博客:
Blogspot
Yahoo
Beauty Exchange
ubeauty
she.com
88db
elle
MyBB.com.hk 

follow me on instagram:
search: daidaipipi

媽媽專欄:


沒有留言:

發佈留言

LinkWithin

Related Posts with Thumbnails