☆皮皮的大個仔見證 ~

Lilypie Kids Birthday tickers

2012年12月31日星期一

2012"dai"事回顧, 2013要更加努力!



2012只是淨返幾個鐘,老套D都要寫返篇"dai"事回顧~

2012年我真的好忙,年頭忙到年尾,都幾辛苦的一年,但總算過得去,有努力有收力(好似D運程書咁...)

最忙就是轉了一份我呢世都唔會再轉的工,可以做到退休,我條事業線真的好長(不是心口那條),除非我發左達,否則會做到60歲,勞碌命,只希望個個月有糧出,年年有人工加,工作順順利利......



皮皮仔續漸長大,現在2歲了,看著兒子長大真的不經不覺,年尾皮皮病到攤攤腰,年中間中去下急症,好在不太大礙,只要個仔生活得健康開心便是了,我怪責自己未盡全力教好皮皮、照顧好皮皮,希望來年更加努力!放更多時間比皮皮,希望我份工不要常開OT,等我早些歸去全心全意湊仔...真的好難:(

其實看著皮皮長大,我對皮皮的愛是看到回報的,皮皮會知媽媽的愛,我是完全感受到,孩子可能只有在幼兒階段會黏著媽媽,長大一點,或許到小學已經有自己主見,到時不會再黏我,有時對住個仔就如對著男朋友一樣,他如果對我冷漠一點,我會好心酸,如果他對著我笑,鍚我抱我,我會好心甜,兒子也可能是媽媽的前世情人,這是我們母子間的緣份,親情可貴。


年間都做了一些幾特別的事,哈哈!我拍了一個潄口水廣告,好在都影得我幾靚女~~

你知不知道廣告裏的女孩是... http://daidaipipi.blogspot.hk/2012/09/blog-post.html


 其後又有雜誌訪問,仲同皮皮一齊影雜誌相,都幾開心架!難忘回憶~

今期「淘寶天下」,有我和皮皮的訪問呀! http://daidaipipi.blogspot.hk/2012/11/blog-post.html


 還有在9月份和老公一同去沖繩旅行>3<

「2012.夏.沖繩」
http://daidaipipi.blogspot.hk/search/label/2012.%E5%A4%8F.%E6%B2%96%E7%B9%A9


 至於寫Blog,我盡力啦!有渠道找我寫文章我一定會試,感謝品牌和讀者支持(可能不太多),少少都好,有人看有動力,最主要我真的好喜歡分享生活,分享新事物~~~


全年最喜歡的一張照片!

希望來年全家人健健康康,和和氣氣,皮皮仔開開心心,返學順順利利,還有好多心願,希望在2013年實踐,盼望我有無限動力,努力做好媽媽,做好太太,做好small potato,做好每一件我想做的事!


關於daidai & pipi
博客:
http://daidaipipi.blogspot.hk/
http://blog.yahoo.com/daidaipipi/articles/page/1
http://blogazine.beautyexchange.com.hk/?uid-24349
http://www.ubeauty.com.hk/member_blog/daidaipipi/
http://blog.she.com/daidaipipi
http://blog.hk.88db.com/?author=31

Email: yuijoan@gmail.com
Facebook專頁: http://www.facebook.com/joan.cheng
新浪微博:http://weibo.com/daidaipipi
Instagram:daidaipipi
Pick:http://naver.jp/daidaipipi
Pick:http://naver.jp/


2012年12月29日星期六

2012聖誕節: 青衣城 茄菲 crossover 聾貓 橙色聖誕

 2012聖誕節,天氣冷最好逛商場,青衣城今年是 茄菲 crossover 聾貓 ,都好得意呀!只要隨意捐款,就可以入聖誕村拍照10分鐘,不用排很久,因為「肥野」係點都鬥唔過前兩年的Hello Kitty......


121202 由於時間關係(只有十分鐘),盡量有幾多影幾多啦~~~






皮皮呢排影相都中意掩面,唔明...


BB開大餐!YUMMY YUMMY



皮皮不停「嘩! 嘩!嘩!」





係咁多啦~~

今年聖誕真的少出街,好多地方都沒拍,下年再補數!


關於daidai & pipi
博客:
http://daidaipipi.blogspot.hk/
http://blog.yahoo.com/daidaipipi/articles/page/1
http://blogazine.beautyexchange.com.hk/?uid-24349
http://www.ubeauty.com.hk/member_blog/daidaipipi/
http://blog.she.com/daidaipipi
http://blog.hk.88db.com/?author=31

Email: yuijoan@gmail.com
Facebook專頁: http://www.facebook.com/joan.cheng
新浪微博:http://weibo.com/daidaipipi
Instagram:daidaipipi
Pick:http://naver.jp/daidaipipi
Pick:http://naver.jp/

2012年12月28日星期五

2歲2個月 皮皮入醫院了&媽媽看奶粉


2012年只剩餘幾天,2013年皮皮又大一歲,在12年年尾,皮皮足足病了一個月,好可憐啊!入左三日醫院,這三天媽媽全天侯陪伴,三天裏24小時對住,發覺皮皮大個左,三日裏學懂了乖乖,有些事情令我感動...


11-13.11.2012 皮皮患上急性支氣管炎,很令人心痛,老實講,我曾怪責自己沒有好好照顧皮皮,有一時曾經好氣餒,不過我知道皮皮很需要媽媽,所以我一直支持著,希望皮皮快點好返~

好記得在醫院有一幕,晚上只有我和皮皮在病房,那時我需要上洗手間,我跟孩子說,你要乖乖,媽媽上厠所,你要靜靜地等我,於是我上了床欄,皮皮就站在床欄邊看著我去厠所那邊;當我一開門回床仔,皮皮一見到我就好開心地大叫了一聲「媽媽! 」,那一刻既心甜又感動,我完全感受到皮皮除了很掛住媽媽之外,亦很聽媽媽的說話,他真的好乖在等我,期間自己一個沒有哭沒有扭計和大叫,這一幕真的好深刻。


在這三天,最辛苦是每四小時要去聞一次氣(藥),半夜零晨都要,足足一個星期我都沒睡過...原來為左個仔,我是很願意付出的。


整天都要駁機check血含氧量,都幾慘下...好在第二天晚上可以回家渡假,第三天再回醫院看醫生。


到第三天回醫院,皮皮非常合作,給姑娘做妥所有檢查,看醫生時也超級乖,坐定定給醫生診治,相對在第一天,他是萬分不情願的,這天這麼乖巧,我也忍不住住跟皮皮說今天做得好好,叻仔!

臨出院時仲可以去玩具室玩餐飽,發達了!沒發燒的小朋友可以玩!皮皮好有自己主見,他最喜歡的玩具是車車^ - ^


出左院那個星期,個仔都好乖,在家都好聽話,不過之後又病過,反反覆覆病了一個月,現在比之前好返好多了!


自拍笑得最燦爛\(^o^)/


好在笑起來仍有面珠dum☆*:.。. o(≧▽≦)o .。.:*☆左邊面有一棵酒笠仔^^


121202 青衣城玩車車,皮皮識自己入個五蚊落去玩...


好投入!


121125 皮皮新寵玩具是火車頭!!!


121220聖誕節快到的一天,皮皮收到他最支持、媽媽至信賴的美素佳兒送來的禮物籃!太開心了!有聖誕禮物收呢〜! 皮皮發揮他小探索家的精神,拆開哂入面的禮物,超級感謝美素佳兒!


皮皮不懂禮物盒內有吃的朱古力,但他認得罐奶粉,印有奶粉嘜頭的meno pad深得皮皮至愛,因為佢近來中意玩貼紙,meet 開 告士貼再貼在自己本簿仔送!太好玩了!有些更貼在媽媽手上,就咁又玩一大餐^_^


貼貼貼...


121209 Citygate

講開奶粉,各位媽媽們有否留意政府現在正就香港配方奶及相關產品和嬰幼兒食品的銷售及品質守則進行公眾咨詢 (諮詢期現已延長兩個月至2013年2月28日),歡迎廣大市民提供意見。內容中包括建議奶粉商不應進行為懷孕至36個月以下幼兒的母親而設的推廣 (包括賣廣告)、營養或餵養資訊、媽媽會等等。



一天跟我的媽媽同事傾開bb食奶的問題,她的bb差不多半歲了,開頭放產假頭個多月是餵人奶,但之後返工逼於無奈要餵奶粉。其實媽媽們都想bb頭半年吃母乳,但返工的媽媽更加沒可能餵到。

以我公司為例,我是受僱於公營機構,全公司大約有800名顧員,都好大架!女同事居多,但成個office幾層樓都沒一間房可以比媽媽僱員做泵奶,無理由在厠所泵的,很污穢呀!

好在公司附近有間健康院,可以有空間給媽媽泵奶,但一天裏只有lunch time可以這樣做,久而久之都餵不到人奶了...

所以政府話唔比奶粉商賣廣告是因為要推行母乳,鬼唔知母乳好咩?!但環境因素、工作壓力,都導致好多媽媽都未能為BB提供母乳...

講就容易,要KEEP住幾個鐘泵一次奶,泵完又可以放在哪呢?返工時間又長,雖則朝9晚6,但上班下班又要時間,根本一天可以對著BB的時間只有晚上8時後...

媽媽的壓力很大,要返工的媽咪又不能不工作,香港生活消費高,我做份工,都是想個小朋友生活得更好,香港政府想推行母乳的話,怎麼不考慮做規管立法,給全職媽咪半day工作,直至個小朋友半歲而老闆又唔炒,同事又唔埋怨?

就算出到街,有幾多個商場有育嬰室?根本全香港都沒配套給哺乳媽媽,BB又怎能吃到母乳呢?


121209東涌北公園
 
我的好朋友的BB快要出世了,有時聽她呻公司同事會比說話給大肚媽媽聽,話成日放假,之後有排你放啦(十星期)...

我深深領會的!因為我大肚時都會時不時有這樣的同事出現,你知否大肚媽媽身體陀住BB已經好辛苦,情緒受盡困擾,大肚放假去檢查是必要和正常,生完BB又另一個新開始,超多事情需要處理!!!

如果沒有廣告去吸收奶粉巿場的資訊,有什麼快捷的渠道可以給媽媽們比較和知道巿面上奶類產品的資訊呢?如果沒有sample試奶,又怎知BB適合哪款奶粉呢?唔通真的要媽媽買幾罐貨裝奶粉,不用錢咩???貧窮的家庭又怎算? 

既然巿面上所有零售產品都可以賣廣告,奶粉同樣可供巿場自由選擇的產品,如果導絶奶粉的推廣,要消費者從何途徑比較呢?


121222 投入看書書

我又同過幾個媽媽傾過,其實大家都好中意參加任何媽媽會,每逢BB展個個媽媽都爭相入會就知啦~~

好多時奶粉商給我們的資訊好實用,尤其加入媽媽會後周不時收到email通知你的BB幾大了,現階段會有什麼行為懂什麼,還有應該吃什麼食物,這都帶給媽媽們很多充足資訊~至於買唔買那款奶粉又另一回事,最重要是BB喜歡吃那款奶,但媽媽會一定入,攞多D資訊比較,或許有一天BB要轉奶粉,我地都會研究下哪種奶最好的。

如果各位媽媽朋友有任何意見都可以用電郵方式向政府反映。
(諮詢期現已延長兩個月至2013年2月28日)
電郵地址 (hkcode@dh.gov.hk)
守則的草擬本都已上載在衛生署網頁:
http://www.fhs.gov.hk/tc_chi/adhoc/hkcode/hkcode.html

分享到此,下篇再發皮皮cutie相!



關於daidai & pipi
博客:
http://daidaipipi.blogspot.hk/
http://blog.yahoo.com/daidaipipi/articles/page/1
http://blogazine.beautyexchange.com.hk/?uid-24349
http://www.ubeauty.com.hk/member_blog/daidaipipi/
http://blog.she.com/daidaipipi
http://blog.hk.88db.com/?author=31

Email: yuijoan@gmail.com
Facebook專頁: http://www.facebook.com/joan.cheng
新浪微博:http://weibo.com/daidaipipi
Instagram:daidaipipi
Pick:http://naver.jp/daidaipipi
Pick:http://naver.jp/

2歲2個月(part 2) 皮皮的幼兒反叛期

2歲2個月,皮皮越來越多百厭古怪的事做了~~越來越多精力,就算病病食住藥都精神過我=_=''


這個月的皮皮,好中意玩貼貼紙,買了一套兒童貼貼樂給皮皮,謝謝好友幫我搵其中兩本,每本20元,都幾好玩架!


頁內有四大版貼紙,按書裏的內容貼貼便可以,皮皮好中意'meet'和貼貼紙,他會選了自己最想的貼紙,然後我幫他找回書裏的內容貼下,有時找對哪版,皮皮會自己找圖形相同的貼下,不過一時時,好多都唔識架!

另外幾中意這套書是以實物圖片,還有日常生活都看到的事物,皮皮最喜歡水果那一本,因為他懂讀「瓜瓜」(西瓜)和「槤槤」(榴槤 )~~~


121221冬至,去了舅公屋企節節~又有貓貓玩了!皮皮都幾喜歡小動物~~這隻貓貓叫牛牛,都幾乖,皮皮好中意同佢玩,仲摸摸貓貓,隔住塊玻璃都同貓貓玩^^


喵喵~~~


唔知係咪食住藥特別燥,皮皮呢排成日扭計,要乜都就哂佢,成日喊,又未識用言語表達想要咩,成日做些反叛行為,例如唔食飯,會將成碗飯倒哂落地下,比著我細個實打死左...而家是個金菠蘿,屋企有壞人好難教,唔食飯咪唔好食囉,等皮皮知下咩叫肚餓囉,怕怕怕肉痛,唔食飯就比奶,唔係咁家嘛,香港點會有小朋友餓死?!激到我死就有!


金菠蘿又有新玩具,屋企D玩具多個冒X樂園...>_<


121223成日無野搵野黎玩,這天玩個水桶,笠落自己個頭度,但出街點都唔肯戴帽,至識扮cute.......


落街行一陣都要帶車車去玩......


唔識笑...


121221 扮女仔...戴頭"cool"又幾靚女~~~


關於daidai & pipi
博客:
http://daidaipipi.blogspot.hk/
http://blog.yahoo.com/daidaipipi/articles/page/1
http://blogazine.beautyexchange.com.hk/?uid-24349
http://www.ubeauty.com.hk/member_blog/daidaipipi/
http://blog.she.com/daidaipipi
http://blog.hk.88db.com/?author=31

Email: yuijoan@gmail.com
Facebook專頁: http://www.facebook.com/joan.cheng
新浪微博:http://weibo.com/daidaipipi
Instagram:daidaipipi
Pick:http://naver.jp/daidaipipi
Pick:http://naver.jp/

2012年12月26日星期三

2012聖誕節: 我們最愛在迪士尼過!

聖誕快樂!

想不到2012年就快成為過去,說到今年最開心,莫過於爸爸買了兩張迪士尼奇妙處處通銀卡,只要一有時間,我們便常到迪士尼遊玩~~

說真的,迪士尼這個地方我真的去百次也不厭,就算遊戲玩完又玩,我也不覺得悶,只要對著自己最愛的人,去迪士尼會開心百倍!

不知皮皮會否這樣想呢?


121213在銀卡會員享用的日子,我和爸爸都特意請假一天,帶皮皮到迪士尼~ 每次皮皮見到大大隻的迪士尼朋友,都會笑到見牙唔見眼,好開心同佢地Hi Hi~~~

聖誕節!有薑餅人同皮皮一齊Hi Hi!好開心呀!


在排薑餅人期間,後面的是日本來的旅客,他們帶著好多Duffy同女朋友仔Shelliemay既公仔,全部都好靚架!個日本哥哥好好人,借左Shelliemay比我地影相,佢地仲話第二次來香港迪士尼添!


之後去左泰山屋企玩,皮皮在演奏敲擊樂!


皮皮最LIKE的朋友仔係POOH POOH~~~皮皮說:媽媽,我要去POOH POOH 屋企玩呀!~~~


玩完POOH POOH,就去食個LUNCH,皮皮帶了他最近的新歡--火車頭來玩呢~!~!


行行下好口渴,飲啖水水先,個Mickey 杯都是在Disney買的~!


看完米奇金裝劇場,皮皮就要午睡了,這時侯剛好有飛天巡遊看,我就在旁看了一會啦!次次睇都覺得好看呀!


美國大街小鎮周圍都佈滿聖誕掛飾,變成聖誕小鎮,好浪漫啊!


皮皮背後有棵三層樓高的聖誕樹,晚上會有亮燈儀式架!


而波波都變了聖誕版了!


皮皮好冧波波~~HAPPY!


迪士尼樂隊都換上聖誕服飾,他們在演奏悅耳動人的聖誕樂曲~~~


因為皮皮好中意迪士尼朋友,所以見到高飛即刻衝埋去同佢玩!


真係有交流架!


點少得佢個friend Mickey & Minnie呢~~ 不過今天 Mickey & Minnie趕住去食晚飯,冇乜點同皮皮玩了...


我們都玩得好累,坐完最後一班火車,點知見到米奇玩具舞曲盒出來玩~~~Duffy真的好可愛呀!


其實今天的主要目的,是媽媽好想同Duffy影張相呀!><入夜後Duffy 出來同朋友仔影相,好野!皮皮做咩撩Duffy鼻鼻呢?!?!?!


好靚!


好靚靚!


本來都想走的了,但皮皮賴死,好啦~我地玩轉迴旋木馬,皮皮又好LIKE!


等到晚上,有大街閃雪亮燈!太令人感動了~迪士尼的聖誕真的好美!有好多聖誕LOOK的聖誕哥哥姐姐拿著閃雪燈,沿著聖誕樹列好隊~!


天上也漸漸飄著白雪,彷如真的一樣!


迪士尼永遠都能帶給我們驚喜,小鎮上的情侶都擁吻起來,我和老公都抱著皮皮鍚鍚>3<


就這樣過了快樂的一天!

希望每年的聖誕都在迪士尼渡過~~~

>3<



關於daidai & pipi
博客:
http://daidaipipi.blogspot.hk/
http://blog.yahoo.com/daidaipipi/articles/page/1
http://blogazine.beautyexchange.com.hk/?uid-24349
http://www.ubeauty.com.hk/member_blog/daidaipipi/
http://blog.she.com/daidaipipi
http://blog.hk.88db.com/?author=31

Email: yuijoan@gmail.com
Facebook專頁: http://www.facebook.com/joan.cheng
新浪微博:http://weibo.com/daidaipipi
Instagram:daidaipipi
Pick:http://naver.jp/daidaipipi
Pick:http://naver.jp/


LinkWithin

Related Posts with Thumbnails