☆皮皮的大個仔見證 ~

Lilypie Kids Birthday tickers

2010年12月16日星期四

香港會有築地魚生飯?>錦丼鮪專門店@i-square

i-square "錦丼鮪專門店" 早在它剛開幕時朋友吃過,極力推薦我去吃,說是築地魚生新鮮鮮甜~ 可是當時為了身子不吃生冷野,近來可以破界,但又不是說的那麼好.....

冷清的i-square,這個場,搞唔掂,MTR上蓋都沒人流,最衰係商場設計古靈精怪,有上冇落,位於七樓的食肆,可以乘長長的扶手電梯上,但走時沒有直達的電梯落,要行餐死,又沒大型連鎖店,冇可能同海港城鬥.........


回正題 ,這日本飯店,星期五晚上六時半,只有三枱客,靜英英,格局很風味,如果不是朋友介紹,我係唔敢入去囉。。。。。。。。。


我點了個特價雜錦魚生飯$138,原價$168,本來老公叫我試下貴一倍的拖羅飯,但我貪呢個乜都有,又可省他的荷包(蠢左),賣相都不錯,碗飯都幾大碗,伴上漬物、麵豉湯和蒸蛋~


好就好在勁多三文魚子和蟹子,可以撈哂成碗飯,三文魚和吞拿魚刺身一般,帶子則很滑,沒雪藏味,海膽都幾甜及比想像中多,但隻蝦就唔夠新鮮,梅梅地的........ 右邊有舊粉紅色的是豆腐來,面頭那些我不懂它,勁鹹的? 飯真的夠大碗,我吃不掉,壽司飯甜甜地都幾得!


這個蒸蛋,要讚一讚,唔腥!我曾經吃過的都好腥,這個蛋令我改觀,同埋好滑~~~


夫君不吃魚生的,於是點了個熟食,泡菜豬肉飯,好好味!多餸呀~很濃味,泡菜大多是葉來(最怕食'框 '),又多汁,愛味精者可以一試~~~


總結,就算廚子有多好,但成個商場冇人就唔掂,搞到D食材去唔哂唔夠新鮮,就好像我吃的魚生飯,朋友說起初新C坑多人食魚生夠鮮夠甜,但我去果時靜英英拍烏蠅,就算可能是新鮮貨到,但感覺上好像貨賣不去的樣子.........


希望聖誕有HARRY POTTER撐下場多D人去睇戲就多D人去食嘢啦~~~~~


此食評亦刊登在:

3 則留言:

  1. 流晒口水, 好想食呀 ............

    回覆刪除
  2. reddy,
    i-square 在尖沙咀,重慶大廈斜對面

    Embrace Dreams,
    HAHA,真係好耐冇食過魚生飯了~~~

    回覆刪除

LinkWithin

Related Posts with Thumbnails